Friday 14 August 2009

قانون حق الحصول على المعلومات..ليش غير عملي

مغامراتي مع قانون حق الحصول على المعلومات الأردني،،،

بعد ما اكتشفت انو في قانون اسمو " قانون حق الحصول على المعلومات " و اللي إلو طالع من سنة 2007، رحت على الموقع الالكتروني للتشريعات الأردنية و جبت نص القانون. و بديت أقرأ...

كلام جميل جدا، طلع في اشي اسمو مجلس المعلومات وهو المسؤول عن تطبيق القانون بس كيف بدي أطلب معلومات ،، لسى ما بعرف.. ما النا غير جوجل..كليك كليك فتشي يا تالا .. بحث عن " موقع مجلس المعلومات الاردني " .. لا شيء.. ما طلع إشي مفيد ، انتوا جربوا و قولولي شو بطلع معكم ( مع انو طلع في موقع إلهم بعدين... كمان شوي بتعرفوا كيف) ! شو نسوي ؟ صرت افتش عن مكونات المجلس، شو هوة مجلس المعلومات يعني؟ مين رئيس المجلس ؟ طلع وزير الثقافة . ومين وزير الثقافة؟ د. صبري ربيحات حسب موقع وزارة الثقافة، رحت بعتلوا بريد الكتروني قلتلو انا مواطنة اردنية اسمي تالا و مش عارفة كيف اطلب معلومات عن طريق قانون حق الحصول على المعلومات و شو هوة الإجراء المتبع للحصول على المعلومات... طبعا هادا الحكي صرلوا اسبوع و ما رد علي وهو أمر متوقع.. اللي بعدو على القائمة؟ مفوض المعلومات؟ مين حضرته، مدير عام المكتبة الوطنية .. و مين بكون؟ مأمون التلهوني ،، جوجل هيم،، بعدين.... يوريكا!! وصلت الى هذا المقال اللي عمره سنة و عنوانه يقول " لا شكوى من عدم الحصول على المعلومات!!!! " ..... طبعا ما رح يكون في شكوى إزى ما حدا عارف عن القانون و لاعارف كيف يستعمل النموذج و وين هو موجود أصلا!! بعدين عمره ما واحد قاس نجاحه بعدد الشكاوي اللي ما بتوصلو المفروض يقدم تقرير عن الطلبات اللي وصلت و مين الجهة اللي الناس بدها تعرف عنها و بركي كان في تكرار للطلبات، ليش يكون في إزدواجية في العمل.. لازم يكون في تسهيل و تسريع للإجراءات و مش تعقيدها! لأنو الاسلوب الحالي لا واضح و لا سهل و لا مزبوط !

بآخر المقال طلع في موقع الكتروني و رقم تليفون للشكاوي والملاحظات وهناك في نموذج لطلب المعلومات على الموقع

www.ic.gov.jo

وعشان احكيلكم أديش النموذج تعيس و الإجراء أتعس ، إفتحوا هادا النموذج

1 . ولد بالصف السابع بعمل فورمات على مايكروسوفت اوفس احسن من هاد
2. لازم تكتب سبب طلب المعلومات و الخيارات هي إما للنشرأو للبحث والدراسة أو أخرى
3. لازم تقدم نسخة عن بطاقة الأحوال أو جواز السفر + الرقم الوطني و إزى كنت بتمثل جهة لازم تجيب تفويض و وين ساكن و شو بتشتغل!
4. لازم تروح تقدم النموذج شخصيا !!! وين ؟؟ مش على مجلس المعلومات! لازم تروح على الدائرة اللي بدك منها المعلومات عشان تاخد رقم ملف عشان تراجع فيه،،فهمنا ماشي! بس عند مين؟ كمان ما بعرف و مش واضح!! كإنو الدوائر الحكومية عبارة عن قردين وحارس.. مين بنسق بين مجلس المعلومات و كل الدوائر الحكومية و شو بعرف المجلس انو الدوائر بتبلغ عن الطلبات الواردة إلهم!
5. و بعد ما تروح و تسلم النموذج إزى عرفت وين تسلموه ممكن يوصل رد و ممكن ما يوصل والذي يعني طلبك تم رفضه خلال الشهر. اعتقد انه النموذج رح يضل شهر بالدائرة قبل ما يوصل للمسؤول اللي بقرر إزى بتستاهل تعرف أو لأ.
6. ازى كنت بدك تشتكي روح اشتكي لمفوض المعلومات !

طلبي و سؤالي بسيط : كيف ممكن تحولوا كل إجراءات عملية الطلب للمعلومات، التسجيل والتحويل للجهة المعنية والتنسيق والرد الى عملية إلكترونية مفتوحة للناس لتعرف و تشوف لأني حاليا حاسة حالي عايشة بالعصر الحجري

4 comments:

Haitham Seelawi said...

Well sweets! I told u before!

Tala said...

no harm to try, at least I knw the procedure now -_-

I did this searching while being outside Jordan, if Im in Jordan, I would have gone the next step & fill the form and submit it to any public authority for the sake of experimenting, maybe it works and they reply back OO!

if it works, I will contact students in the faculty of Journalism/Yarmouk and let them flood requests to all public authorities and give public authorities some work to do. just for the sake of teaching students how to report with statistics and supporting documents :D

whats annoying me is that I have to justify why I want to know. ofcourse people should know, this is how information & processes gets verified, policy makers dont realize how important it is to encourage people to ask, its like a filteration process especially if employees' performance was linked to public feedback

Haitham Seelawi said...

Am happy that u are giving it a shot anyways!

Having a law that states something, does not mean it is applied in reality!

Take the American constitiution for instance! It was written in the 18th century, it included the statements of banning discrimination and racism, yet in the 1970s even churches were either for white or black!

Not trying to suppress ur enthusiasm, just keep trying it and I wish u good luck in it =)

Devil's Mind said...

Thats nice. A Jordanian version of The Freedom of Information Act.

It is natural that the freedom of information is provided to citizens only, that's probably why they require your national ID and other documents that prove your citizenship.

However, as you mentioned its bad that this act has not been given the publicity it requires, because the freedom of information is an important right in a democratic society.